Парахавая вежа

Адзіная вежа Рыгі, якая цалкам захавалася да нашых дзён – Парахавая вежа. У даўнія часы Пясочная або Парахавая вежа была найважнейшым абаронным пунктам Рыгі, які абараняў уваход у горад каля рыжскай дарогі (Вялікай пясчанай дарогі). Пясочная вуліца была працягам гэтай дарогі, а цяпер яна называецца вуліца Смілшчу. Дадзеная пабудова была вельмі важнай для горада, так як гэта быў участак прыгоннай сцяны, які менш за ўсё быў абаронены натуральнымі перашкодамі. Пагорак Кубэ знаходзіўся насупраць – гэта ўтворанная дзюнамі ўзвышша, адкуль ворагам было зручна абстрэльваць горад. Толькі ў канцы XVIII стагоддзя гараджане скапалі дадзены пагорак.
Парахавая вежа ўпершыню згадваецца яшчэ ў 1330 годзе. Цікавы той факт, што першапачаткова вежа была чатырохкутнай, затым была ператворана ў паўкруглую, а сваё цяперашняе аблічча здабыла толькі на рубяжы XV-XVI стст.
У ходзе розных войнаў вежа неаднаразова перабудоўвалася, а разам з гэтым змянялася і яе прызначэнне. Так, XIV і XV стст. у вежы была абсталявана турма і меўся засценак для катаванняў. У XV стагоддзі Парахавую вежу цалкам перабудоўваюць і абсталююць для абароны ад агнястрэльнай зброі (адсюль і пайшла назва Парахавая).
Пазней, у 1621 годзе, вежа была разбурана, калі шведскія войскі караля Густава II Адольфа Вазы аблажылі і занялі Рыгу. Зноўку адбудавалі вежу ў XVII стагоддзі, прытым яна здабыла выгляд такі, у якім і сёння паўстае перад намі.
У другой палове XIX стагоддзя вежа была часткова абрынута з боку горада. Пасля гэтага было вырашына, што Парахавую неабходна аднавіць і перадаць памяшкання ў карыстанне нямецкай студэнцкай карпарацыі «Rubonia». На месцы абвалінай сцены, па праекце архітэктара Густава Хілбіга, быў створаны высокі неагатычны шчыпец.
Па праекце архітэктара А. Галінды, ў 1938 годзе, вежа была перабудавана, і адкрыты ў ёй Ваенны музей. Па некаторых звестках, у савецкія часы ў Парахавой вежы знаходзілася Рыжскае Нахімаўскае вучылішча. Таксама, у свой час у вежы размяшчаўся Музей рэвалюцыі Латвійскай ССР, а зараз зноў адкрыты Ваенны музей.