Першыя турысты могуць быць адпраўленыя у космас ужо ў 2019 годзе. Пра гэта заявіў дырэктар амерыканскай аэракасмічнай кампаніі «Blue Origin» Боб Сміт.

Тут варта адзначыць, што першапачаткова «Blue Origin» планавала адправіць першых падарожнікаў у космас у 2018 годзе. Аднак, як адзначыў Боб Сміт, падрыхтоўка да першага запуску можа заняць больш часу, чым гэта планавалася першапачаткова, таму кампанія прыняла рашэнне адкласці палёт.

Нагадаем, што ў лютым гэтага года галоўны канкурэнт «Blue Origin» кампанія «SpaceX», анансавала першы камерцыйны палёт вакол месяца, які павінен адбыцца ў канцы 2018 года. Чакаецца, што місія будзе ажыццёўлена з дапамогай новай пілатуемай версіі карабля Dragon, здольнай браць на борт экіпаж. Таксама карабель плануецца выкарыстоўваць для здзяйснення палётаў на МКС, але ўжо «пад фрахтом» NASA. «Пасля таго, як NASA прыступіць да палётаў з выкарыстаннем пілатуемага Dragon, SpaceX ажыццявіць прыватную місію, якая прадугледжвае аблёт вакол Месяца і вяртанне на Зямлю», - гаварылася ў паведамленні кампаніі.