Музей мадам Цюсо

Музей мадам Цюсо (Madame Tussauds Museum) - знакаміты музей васковых фігур. Першы музей быў створаны ў 1835 годзе ў Лондане скульптарам Марыяй Цюсо і меў вялікі поспех. На сённяшні дзень музей мае філіялы ў 20 іншых гарадах Еўропы, Азіі, Паўночнай Амерыкі і Аўстраліі.

У Амстэрдаме музей мадам Цюсо адкрыўся на вуліцы Калверстраат ў 1970 годзе і стаў першым філіялам лонданскага музея. Ужо ў 1991 яго перамясцілі ў самае сэрца Амстэрдама - на плошчу Дам.

Сёння, музей васковых фігур папулярны як сярод гараджан так і сярод шматлікіх турыстаў. Бо тут можна сустрэцца з галандскімі жывапісцам Рэмбрандтам, убачыць Альберта Эйнштэйна, Ван Гога, Пабла Пікаса і Сальвадора Далі.Таксама ёсць і такія сусветна вядомыя артысты, як Мадонна, Майкл Джэксан, Мерлін Манро, Кайлі Міноўг, сэр Элтан Джон, Джэніфер Лопес, Брэд Піт і Анжаліна Джолі, Джоні Дэп і многія іншыя. У музеі ёсць таксама фігуры знакамітых спартсменаў і членаў каралеўскіх сем'яў.