За ўвоз сонцаахоўнага крэму ў Палаў збіраюцца ўвесці штраф

Улады Рэспублікі Палаў, астраўной дзяржавы ў Ціхім акіяне, са студзеня 2020 года ўводзяць штрафы да тысячы долараў за ўвоз на выспы сонцаахоўных крэмаў і ласьёнаў.
Штрафамі таксама будуць караць прадаўцоў дадзеных сродкаў.

Гэтыя меры прыняты з мэтай абароны каралавых рыфаў. Спіс забароненых прадуктаў складаецца з 10 хімічных сродкаў, якія разбуральна дзейнічаюць на каралы, напрыклад вельмі распаўсюджаныя оксібензон і окціноксат. Дадзеныя кампаненты душаць рост новых рыфаў і прыводзяць да іх абескаляроўвання, у выніку чаго каралы становяцца менш устойлівымі да кліматычных змен.
Па дадзеных навукоўцаў, штогод турысты, якія купаюцца ў акіяне, пакідаюць у ім каля 6-14 тон сонцаахоўных сродкаў.