З мая 2019 года ў Крыме ўводзіцца курортны збор

З мая 2019 года ў Крыме, у чатырох папулярных курортах паўвострава - Алушце, Судаку, Феадосіі і Ялце ўводзіцца курортны збор, памер якога складзе 10 расійскіх рублёў у суткі. Перыяд збірання - з 1 мая па 30 верасня.

Сабраныя з дапамогай курортнага падатку грошы будуць накіраваны на паляпшэнне інфраструктуры крымскіх курортаў. Да ўвядзення збору ўлады паўвострава плануюць стварыць рэестр аб'ектаў адпачынку, якія будуць атрымліваць турыстычны падатак, распрацаваць сістэму ўліку плацельшчыкаў, а таксама на заканадаўчым узроўні ўрэгуляваць адказнасць за адмову ад аплаты курортнага збору.