«Белавія» запускае прамой рэйс у Кішынёў

10 кастрычніка 2018 года ААТ «Авіякампанія «Белавія» адкрыла продаж квіткоў па новым маршруце Мінск-Кішынёў-Мінск . Рэгулярныя палёты ў Міжнародны аэрапорт «Кішынёў» авіякампанія плануе пачаць з 30 кастрычніка 2018 года.

Рэйсы ў сталіцу Малдовы будуць лётаць пяць разоў на тыдзень. Вылеты з Мінска будуць ажыццяўляцца - у 13:00 па аўторках, чацвяргах і нядзелях і ў 08.00 - па панядзелках і пятніцах.
З Кішынёва самалёты будуць вылятаць у 14:05 па аўторках, чацвяргах і нядзелях і ў 09.05 па панядзелках і пятніцах, а прыбываць у Нацыянальны аэрапорт «Мінск» у 16.30 і 11.30 адпаведна. Час у дарозе - прыкладна паўтары гадзіны.

Кошт квітка ў адзін бок складзе ад 83 еўра, туды-назад - ад 153 еўра. Плануецца, што палёты будуць праходзіць на самалётах Embraer 175, умяшчальнасцю 64 пасажыраў у эканом-класе і 12 у бізнэс-класе.

Кішынёў стаў 51 рэгулярным напрамкам авіякампаніі «Белавія», а Рэспубліка Малдова - 28 краінай у геаграфіі палётаў беларускага перавозчыка.