У Еўропе створаць самы вялікі штучны пляж. У праект будзе інвеставана амаль 16 млн.еўра.
Праект пад назвай Alovera Beach будзе рэалізаваны ў Іспаніі, у 65 кіламетрах ад Мадрыда ў муніцыпалітэце Аловера правінцыі Гвадалахара.

Гэта будзе штучна створаная лагуна плошчай 25 тыс. кв. м, акружаная 15 тыс. кв. м пяску. Разам з рукотворным пляжам тут таксама будзе пабудаваны аквапарк, спартыўная пляцоўка, школа паруснага спорту, рэстараны, а таксама 10 тыс. парковачных месцаў.

Як чакаецца, у год Alovera Beach будуць наведваць больш за 250 тыс. чалавек, якія заплацяць за ўваход 10 еўра.
У перспектыве праект будзе пашыраны да маштабаў вялікага забаўляльнага парку плошчай 104 тыс. кв. км. Як плануецца, штучны пляж прыме першых наведвальнікаў праз 2-3 гады.